Кіраўніцтва і прадстаўнікі раённай арганізацыі ГА «Беларускі саюз афіцэраў» займаюцца добраўпарадкаваннем сквера імя Героя СССР Рамана Кудрына

Прадстаўнікі раённай арганізацыі ГА “Беларускі саюз афіцэраў” ужо на працягу многіх год даглядаюць за невялікім скверам, які расце каля сядзібы Героя Савецкага Саюза Рамана Сцяпанавіча Кудрына. Сёлета яны разам з членамі раённай арганізацыі ГА “Беларускі саюз ветэранаў вайны ў Афганістане”, спецыялістамі раённай інспекцыі прыродных рэсурсаў і аховы навакольнага асяроддзя, супрацоўнікамі РАНС дапоўнілі сквер, пасадзіўшы ў ім саджанцы бярозы і туі.
— У будучым плануем дадаткова высадзіць у гэтым месцы іншыя дрэвы, якія, несумненна, будуць радаваць вока шаркаўчан, — сказаў старшыня раённай арганізацыі ГА “Беларускі саюз афіцэраў” Валерый Інакенцьевіч Ан.
Сяргей РАЙЧОНАК.