На мінулым тыдні згарэў дом у Пашках і гарэлі сарай з гаражом у Шаркаўшчыне

Служба 101

дом у Пашках пасля пажару

На жаль, статыстыка папоўнілася яшчэ двума пажарамі, пра падрабязнасці якіх нам паведамілі ў Шаркаўшчынскім РАНС.
12 сакавіка ў 16:26 у аддзяленне паступіла паведамленне пра пажар у вёсцы Пашкі. Тэлефанавалі суседзі, бо гаспадароў  (пражывалі бацька з сынам) на момант пажару не аказалася дома. Дом поўнасцю выгарэў знутры і для пражывання непрыдатны. Прычына пажару ўстанаўліваецца.

дом для пражывання непрыдатны

16 сакавіка у 5 гадзінаў раніцы ў гарадскім пасёлку Шаркаўшчына па вуліцы Метэаралагічнай гарэлі надворныя пабудовы (сарай і гараж, якія знаходзіліся пад адным дахам). Яны выгарэлі знутры, у гаражы знаходзілася машына, якая таксама згарэла. Прычына пажару ўстанаўліваецца.

у пажары па вуліцы Метэаралагічнай гарэлі сарай і гараж

Падрыхтаваў Андрэй БУРЭЦ, фотм прадаставілі ў Шаркаўшчынскім РАНС.



Добавить комментарий

Ваш e-mail не будет опубликован. Обязательные поля помечены *