Напярэдадні новага навучальнага года ў Шаркаўшчыне, як і па ўсёй краіне, прайшла рэспубліканская акцыя «Нашы дзеці».
Сярод тых, хто павіншаваў хлопчыкаў і дзяўчынак з Днём ведаў, быў і намеснік старшыні райвыканкама, старшыня раённай арганізацыі ГА «Белая Русь» Юрый Васілеўскі. Як і ў мінулым годзе, Юрый Анатольевіч наведаў выхаванцаў сацыяльна-педагагічнага цэнтра, уручыў дзецям пакеты з пісьмовымі прыналежнасцямі.
Не засталіся па-за ўвагай і выхаванцы цэнтра карэкцыйна-развіваючага навучання і рэабілітацыі. Юрый Васілеўскі ад імя грамадскага аб’яднання перадаў педагагічнаму калектыву ўстановы падарункі, якія паспрыяюць вучэбнаму працэсу дзяцей і падлеткаў.
Сяргей РАЙЧОНАК, фота аўтара.
