29 верасня ў лужкаўскім касцёле адбылася парафіяльная ўрачыстасць — фэст у гонар арханёла Міхаіла, імя якога носіць мясцовая парафія. Дарэчы, у гэты дзень імяніны адзначаў і пробашч касцёла — ксёндз Міхаіл Татарэнка.
На пачатку ўрачыстасці быў асвечаны крыж, які напярэдадні ўстанавілі каля ўваходу ў касцёл.
Вёў святую імшу ксёндз Ян Пугачоў з Германавіч. З казаннем выступіў святар Аляксандр Грыцкевіч з г. Дзісна. У службе прымаў удзел ксёндз-дэкан Крыштаф Сілкоўскі з Шаркаўшчыны.
На заканчэнні ўрачыстасці адбылася працэсія з Найсвяцейшым сакрамантам вакол касцёла.
Вернікі павіншавалі свайго пробашча Міхаіла з імянінамі, уручыўшы святару падарункі і адрасаваўшы вершаваныя радкі.
Аляксандр БАРЫЛА.
