Міхаіл ГАРБАЧОЎ, настаўнік фізічнай культуры і здароўя СШ № 1 г. п. Шаркаўшчына:
— Адзіны дзень галасавання — гэта важная падзея ў жыцці краіны ў цэлым і кожнага беларуса ў прыватнасці. Меркаванні грамадзян з’яўляюцца прыярытэтнымі ў праводзімай палітыцы нашай рэспублікі. Асабліва важным, лічу, удзел у выбарчай кампаніі моладзі. Менавіта ёй будаваць камфортны заўтрашні дзень для сябе і сваёй краіны. Асабіста для мяне выбары — гэта мой голас, маё меркаванне і спосаб выказаць уласную грамадзянскую пазіцыю. Лічу, што 25 лютага кожны павінен зрабіць свой выбар на карысць незалежнай і квітнеючай Беларусі.
