Ларыса Паўлаўна Конан з аграгарадка Лужкі жыве ва ўласным доме адна. Муж памёр, дзеці стварылі свае сем’і і раз’ехаліся з бацькоўскага гнязда. У іх свае клопаты, таму жанчына стараецца не навязваць дзецям свае праблемы. Тым больш, што Ларыса Паўлаўна заслужыла, каб у паважаным узросце карыстацца паслугамі дзяржавы. Працавала на розных работах і нават будучы на пенсіі. А справа ў тым, што дом жанчыны ацяпляецца дровамі. Вось і трэба было іх назапасіць. З Лужкаўскага лясніцтва прывезлі за невялікую аплату машыну драўніны. А сацыяльныя работнікі тэрытарыяльнага цэнтра сацыяльнага абслугоўвання насельніцтва распілавалі і пасеклі яе на дровы.
Задаволена засталася жанчына работай сацслужбы. Цяпер можна зімаваць, не хвалюючыся аб запасе дроў.
Кацярына СОСНА.
Фота Марыны ЖАКАЎКА.