На малочнатаварнай ферме «Рассвет» КУВСП імя Маркава вынайшлі спосаб, як з’эканоміць грошы на боксах для маладняку буйной рагатай жывёлы.
Цяпер на жывёлагадоўчых фермах зрэдку можна ўбачыць драўляныя клеткі, у якіх утрымліваюцца маладыя цяляты. У Беларусі пластыкавыя боксы вырабляюць у ААТ «Інвет» Верхнядзвінскага раёна. Вось толькі каштуюуь яны не танна — адзін бокс каля тысячы рублёў.
Па прычыне эканоміі грашовых сродкаў сельгаспрадпрыемства набылі ў Мінску 20 новых пластыкавых еўракубоў. Потым пераабсталявалі іх, знялі металічную абрашотку і прымацавалі да пластыкавага куба побач. У выніку атрымалася надзейнае месца для цялят ад непагоды і знутры куба, і прасторны выгул. Тым самым гаспадарка з’эканоміла каля 800 рублёў толькі на адным боксе. Усяго на ферме іх размяшчаецца 20. Фінансавая выгада відавочная.
Сяргей РАЙЧОНАК, фота аўтара.