Гульні, насычаныя цікавымі пытаннямі, дзе вучні змаглі прадэманстраваць свае веды і ўменні на розных узроўнях складанасці. Атмасфера саперніцтва і адзінства.
Усё гэта прысутнічала на другім сінхронным этапе Кубка Віцебскай вобласці па інтэлектуальных гульнях сярод школьнікаў імя Міная Шмырова.
Удзельнікамі сталі 15 каманд вучняў з усіх школ раёна і гарадскога пасёлка, усяго 90 чалавек. Спаборніцтва адбылося ў сярэдняй школе № 2 імя Героя Савецкага Саюза Рамана Сцяпанавіча Кудрына.
Мерапрыемства прайшло ў форме насычанай інтэлектуальнай бітвы. Уключала ў сябе два папулярныя фарматы гульні: дынамічны «Медыя-kuiz» і тэматычны «101». Удзельнікі дэманстравалі не толькі логіку, але і хуткасць рэакцыі, бо на роздум даваліся лічаныя секунды. Атмасфера ў зале панавала па-сапраўднаму азартная. Па выніках спаборніцтва вызначыліся лідары, аднак галоўным рэзультатам сталі новыя веды і яркія эмоцыі.
Па выніках другога этапу вызначаны пераможцы:
— 4—5 класы — каманда «Прыяцелі» з СШ № 1 г. п. Шаркаўшчына;
— 6—7 класы — каманда «Эрудыты» з СШ № 1 г. п. Шаркаўшчына;
— 8—9 класы — каманда «Патрыёты» з СШ № 2 імя Героя Савецкага Саюза Рамана Сцяпанавіча Кудрына;
— 10—11 класы — каманды «Кіраўцы» і «Акадэмікі» з СШ № 1 г. п. Шаркаўшчына.
Віншуем пераможцаў і жадаем ім далейшых поспехаў!
Сяргей РАЙЧОНАК, фота аўтара.