Раённы конкурс на лепшую пярвічную арганізацыю БРСМ «Школьны марафон»

Молодежь

IMG_945728 лютага актавая зала СШ № 1 была запоўнена цалкам — тут праходзіў раённы конкурс на лепшую пярвічную арганізацыю ГА “Беларускі рэспубліканскі саюз моладзі” сярод школьнікаў. У конкурсах спаборнічалі вучні 8—11 класаў СШ № 1, Германавіцкай, Лужкаўскай СШ, Зоркаўскай БШ.
“Школьны марафон” — а менавіта так называлася мерапрыемства — быў прысвечаны Году моладзі. Яго арганізатарамі выступілі аддзел адукацыі, спорту і турызму райвыканкама і райкам БРСМ. Журы ўзначальвала першы сакратар райкама БРСМ Юлія Протас.
Марафон распачаўся конкурсам-прывітаннем “Знаёмцеся, гэта мы!”. У ім школьнікі ў песнях, танцах, вершах, сцэнках і слайдшоу расказвалі пра дзейнасць сваіх пярвічных арганізацый, іх гісторыю і традыцыі, пераемнасць і сувязь пакаленняў. Юныя актывісты БРСМ прадэманстравалі максімум знаходлівасці і акцёрскіх здольнасцей, за што атрымалі ад журы вялікую колькасць “пяцёрак”. Максімальныя адзнакі выстаўлены школьнікам з СШ № 1, Германавіцкай СШ. Далей прайшоў конкурс агітацыйных брыгад. Каманды-ўдзельніцы паказалі цікавыя тэматычныя нумары, мэтай якіх было расказаць пра плюсы ўступлення ў БРСМ. Найлепш гэта зрабілі вучні з Лужкаўскй СШ і Зоркаўскай БШ.
Завяршыліся творчыя спаборніцтвы “Хатнім заданнем”. Кожная каманда прадставіла на суд журы і гледачоў відэаролікі гумарыстычнага характару, якія адлюстроўвалі адзін дзень з жыцця пярвічнай арганізацыі. Найбольш змястоўны і арыгінальны ролік, на думку журы, атрымаліся ў вучняў Германавіцкай СШ.
Найвышэйшую суму балаў па выніках усіх іспытаў атрымала каманда актывістаў БРСМ з Германавіцкай СШ, другое месца заняла дружына СШ № 1, трэцяе месца падзялілі паміж сабою Лужкаўская СШ і Зоркаўская БШ.
— Усім дзякуй за ўдзел і грунтоўную падрыхтоўку, якая была праведзена напярэдадні, — падвяла вынікі першы сакратар райкама Юлія Протас. — Асабліва радуе, што адгукнуліся і прыехалі сельскія школы. Падкрэслю, што абсалютна ўсе каманды выступілі на высокім узроўні, і кожны можа лічыць сябе пераможцам. Вельмі прыемна было назіраць за вашымі выступленнямі, якія адкрылі вас з новага боку, дапамаглі праявіць творчыя і лідарскія здольнасці.
Прызёры спаборніцтва ўзнагароджаны дыпломамі і салодкімі пачастункамі.
27 сакавіка ў Шаркаўшчынскай СШ № 2 адбудзецца міжрэгіянальны этап “Школьнага марафона”, дзе сваю творчасць прадставяць каманды пераможцы Браслаўскага, Глыбоцкага, Міёрскага, Пастаўскага раёнаў, нас будуць прадстаўляць актывісты БРСМ з СШ № 1 і Германавіцкай СШ.

Сяргей ВЫСОЦКІ.

IMG_9395 IMG_9397 IMG_9399 IMG_9400 IMG_9402 IMG_9404 IMG_9411 IMG_9414 IMG_9418 IMG_9424 IMG_9428 IMG_9431 IMG_9433 IMG_9435 IMG_9437 IMG_9445 IMG_9448 IMG_9449 IMG_9452 IMG_9455 IMG_9460 IMG_9461 IMG_9474 IMG_9476 IMG_9481 IMG_9488 IMG_9498 IMG_9501 IMG_9504 IMG_9516



1 комментарий по теме “Раённы конкурс на лепшую пярвічную арганізацыю БРСМ «Школьны марафон»

Добавить комментарий

Ваш e-mail не будет опубликован. Обязательные поля помечены *