Са спевамі і танцамі прайшла 11сакавіка культурна-забаўляльная праграма «Жанчына. Вясна. Каханне» ў аддзяленні для пажылых грамадзян. У гэты дзень каля сарака наведвальникаў сабраліся ў зале адзялення з нагоды свята жанчын, вясны і пяшчоты. У праграме, якую прапанавалі гледачам Святлана Тарарака і Інэса Туронак, былі добра вядомыя і любімыя пажылым людзям песні, а таксама вершы, байкі, гумарыстычныя сцэнкі. У шматлікіх конкурсах (“Кошачка”, “Ах, якая я”, “Матуля”, “Дзіцятка”) удзельнічалі ўсе жадаючыя. Спявалі ў гэты дзень Жанна Пундзіс, Уладзіслаў Сіманіс, Аляксей Казлоў. Галіна Сафончык падрыхтавала музычна-танцавальную праграму і разам з прысутнымі праспявала песенныя хіты 50—70-х гадоў пад жывы акомпанемент акардыёна. З акрабатычным нумарам выступілі Вераніка Васільева і Арына Апалька. Гледачы ўбачылі цыркавы нумар “Шляхетны гусар” у выкананні Усяслава Дземідовіча. У якасці літаратурнага падарунака Кацярына Сосна прачытала верш “Пра вясковых жанчын”. Усіх прысутных жанчын цёпла павіншавалі Яўгенія Яфімава, Яніна Грышчанка, Віктар Ліпскі, Станіслаў Чарняўскі.
Галоўным пацвярджэннем таго, што гэтая святочная сустрэча атрымалася, былі эмоцыі: у адных яны праяўляліся ў выглядзе ўсмешкі на твары, другія выказвалі сваё задавальненне ў шчырых падзяках, а іншыя нават выціралі хусцінкай няпрошаную слязінку.
Сяргей ВЫСОЦКІ.
