18 жніўня з прыемнай місіяй наш раён наведаў старшыня абласнога аб’яднання прафсаюзаў Іван Вазміцель. Ён павіншаваў перадавікоў жніва ААТ “Даватарскі” і КУВСП “Гарадзец”. Вадзіцель ААТ “Даватарскі” Вячаслаў Смірноў і камбайнер КУВСП “Гарадзец” Юрый Урублеўскі былі адзначаны Падзякамі Віцебскага абласнога аб’яднання прафсаюзаў і грашовымі прэміямі. Камбайнёры ААТ “Даватарскі” Мікалай Ліпскі, Юрый Ардынскі, Сяргей Седзюкевіч атрымалі каштоўныя падарункі. Іван Казіміравіч Вазміцель зазначыў, што іх уклад у агульны каравай заслугоўвае самай высокай адзнакі, пажадаў новых працоўных перамог.
Словы шчырых віншаванняў з дасягнутымі высокімі паказчыкамі перадавікі атрымалі і ад старшыні райвыканкама Мікалая Баговіча. Далучыліся да віншаванняў і кіраўнікі гаспадарак, дастойнай увагай адзначыўшы ўклад кожнага аграрыя. Словы ўдзячнасці і прэміі за плённую працу сталі дадатковым стымулам для паспяховага завяршэння жніва тым, хто шчыруе на залатой спелай ніве
Таксама ў гэты дзень дэпутат Віцебскага абласнога Савета дэпутатаў Іван Вазміцель сустрэўся з працоўным калектывам КУВСП імя Маркава.
Сяргей ВЫСОЦКІ.
