Юныя музыканты Шаркаўшчынскай дзіцячай школы мастацтваў рыхтуюцца да ўдзелу ў Пастаўскім адкрытым рэгіянальным аглядзе-конкурсе баяністаў-акардыяністаў, што адбудзецца напачатку вясны. Для Усяслава Дземідовіча, Іллі Носкі, Яны Рудак і Кірыла Вайцюля – гэта будзе першае выступленне на міжраённым конкурсе. І зараз да заняткаў музыкай дзеці адносяцца вельмі сур’ёзна, старанна рыхтуюцца да кожнага ўрока і выступлення на сцэне. І, увогуле, імкнуцца зрабіць усё магчымае для таго, каб удасканаліць узровень свайго прафесійнага майстэрства і дастойна прадставіць дзіцячую школу мастацтваў на спаборніцтвах юных музыкантаў у горадзе Паставы.
Среда, 19.08.2026