Напярэдадні Дня памяці воінаў-інтэрнацыяналістаў удзельнік баявых дзеянняў у Афганістане Васілій Протас сустрэўся з вучнямі Більдзюжскай сярэдняй школы

Актуальное Молодежь

IMG_8929 (Копировать)

Урачыстыя мерапрыемствы, прысвечаныя 27-годдзю вываду Савецкіх войскаў з Афганістана прайшлі  па ўсёй краіне, у тым ліку і на тэрыторыі нашага рэгіёну. Кожны год мы ўзгадваем гэту асаблівую дату, як напамін людзям пра трагічныя падзеі той вайны і ўшаноўваем  памяць тысяч савецкіх салдат і афіцэраў, што не вярнуліся з Афганістана.

Напярэдадні Дня памяці  на сустрэчу са старшынёй Шаркаўшчынскай раённай арганізацыі грамадскага аб’яднання “Беларускі саюз ветэранаў вайны ў Афганістане” Васіліем Савічам Протасам у наш гарадскі пасёлак  завіталі вучні Більдзюжскай сярэдняй школы. Пачалося мерапрыемства  ля помніка воінам-інтэрнацыяналістам, да падножжа якога юнакі і дзяўчаты прынеслі жывыя кветкі.  Удзельнік баявых дзеянняў у Афганістане 1983-1985 гадоў Васілій Савіч  Протас  расказаў дзецям пра памятнае месца, адкрытае ў 2011 годзе ў гонар воінаў-афганцаў і нагадаў пра вялікія страты, што прынесла з сабою вайна на чужой зямлі. Цікавым для маладога пакалення, безумоўна, быў аповед пра баявую тэхніку перыяду афганскай вайны – баявую машыну дэсанта і баявую разведвальную машыну, якія размешчаны на тэрыторыі памятнага месца воінам-інтэрнацыяналістам.

Прадоўжылася сустрэча ў раённай дзіцячай бібліятэцы, у ходзе якой старшакласнікі многае даведаліся пра падзеі вайны ў Афганістане і пра службу нашых землякоў ў гэты складаны перыяд. Напрыканцы мерапрыемства, у знак удзячнасці, вучні Більдзюжскай сярэдняй школы падарылі ветэрану афганскай вайны Васілію Савічу Протасу памятны сувенір, зроблены сваімі рукамі, і падзякавалі за такую цікавую размову.

Вольга ЧАРНЯЎСКАЯ.

 

IMG_8916 (Копировать) IMG_8917 (Копировать) IMG_8919 (Копировать) IMG_8935 (Копировать) IMG_8937 (Копировать) IMG_8939 (Копировать)IMG_8946 (Копировать)



Добавить комментарий

Ваш e-mail не будет опубликован. Обязательные поля помечены *