Юныя музыканты паспрабавалі свае сілы на абласным аглядзе-конкурсе фальклорнага мастацтва «Ад прашчураў да зор»

Актуальное

IMG_2416 f (Копировать)На  11 абласным аглядзе конкурсе фальклорнага мастацтва дзяцей і моладзі “Ад прашчураў да зор”, які нядаўна праходзіў у гарадскім пасёлку Расоны, Шаркаўшчынскую дзіцячую школу мастацтваў прадстаўлялі ансамбль народнай музыкі “Журавінка” (кіраўнік Мечыслаў Касцюк) і  фальклорны дзіцячы калектыў “Святачкі” (кіраўнік Ала Міхайлава). Выступленні  юных музыкантаў з розных рэгіёнаў Віцебшчыны былі заснаваны на мясцовым фальклорным матэрыяле, а  самі арганізатары гэтага цікавага мерапрыемства ставілі перад сабой задачу не проста выявіць лепшых сярод  канкурсантаў,але і зацікавіць дзяцей і падлеткаў вывучэннем беларускай народнай культуры, старадаўніх беларускіх  традыцый і абрадаў — спадчыны нашых продкаў. У выніку выступленне юных шаркаўчан на абласным аглядзе-конкурсе “Ад прашчураў да зор”  вельмі спадабаліся гледачам і было станоўча ацэнены членамі журы: дзіцячы  ансамбль народнай музыкі “Журавінка” заваяваў ганаровае 2-е месца, а фальклорны калектыў “Святачкі” за выкананне абрада “Каляды” узнагароджаны дыпломам дэбютантаў у намінацыі “Адкрыццё фестывалю”. Віншуем дзяцей і іх педагогаў з паспяховымі выступленнямі  на абласным конкурсе і жадаем ім новых  дасягненняў і творчых перамог.

Вольга ЧАРНЯЎСКАЯ.IMG_2423 (Копировать)



Добавить комментарий

Ваш e-mail не будет опубликован. Обязательные поля помечены *