Шаркаўшчынская дзіцячая школа мастацтваў далучае дзяцей да музычнай культуры, выхоўвае іх эстэтычны густ, садзейнічае гарманічнаму развіццю асобы. І самі юныя музыканты з вялікім задавальненнем прыходзяць на заняткі, старанна рыхтуюцца да выступленняў, прымаюць актыўны ўдзел у многіх мерапрыемствах, конкурсах і канцэртах.
Кацярына Сікора і Яўгенія Юдыцкая (якіх вы бачыце на здымку) у сакавіку бягучага года прынялі ўдзел у конкурсе юных піяністаў “Натхненне”,што праходзіў у горадзе Наваполацк. А Усяслаў Дземідовіч, Яна Рудак і Ілля Носка нядаўна прадставілі сваю школу мастацтваў на Пастаўскім адкрытым рэгіянальным аглядзе-конкурсе баяністаў-акардэаністаў. Усе дзеці выступілі паспяхова і музычныя кампазіцыі ў іх выкананні былі названыя ў ліку лепшых нумароў конкурснай праграмы.
Вольга ЧАРНЯЎСКАЯ.