Урачыстыя праводзіны прызыўнікоў у КУВСП імя Маркава

Актуальное

20160516_092725 (Копировать)Урачыстыя праводзіны прызыўнікоў адбыліся нядаўна ў аграгарадку Радзюкі.  Цікавую святочную праграму  для маладых работнікаў КУВСП імя Маркава Дзмітрыя Яцыны і Аляксея Юшкевіча, якія напрыканцы вясны прызваліся ў рады беларускай арміі  для праходжання тэрміновай вайсковай службы, падрыхтавалі і правялі загадчыца СДК “Радзюкі” Анна Мікалаеўна Іванкіў  і педагог-арганізатар Радзюкоўскай базавай школы Анна Пятроўна Ермакова разам з вучнямі.

Намеснік дырэктара КУВСП імя Маркава Пётр Іванавіч Курэц павіншаваў маладых людзей з важнай падзеяй у іх жыцці – прызывам на ваенную службу і ўручыў Аляксею і Дзмітрыю пахвальныя лісты за добрасумленную, старанную працу ў сельгаспрадпрыемстве. Намеснік кіраўніка гаспадаркі пажадаў хлопцам  шчаслівай воінскай службы і нагадаў, што дома іх будуць вельмі чакаць, у тым ліку і ў працоўным калектыве КУВСП імя Маркава, куды пасля заканчэння службы маладыя людзі пры жаданні змогуць ізноў вярнуцца. А цікавы святочны канцэрт узняў усім прысутным настрой і падбадзёрыў будучых абаронцаў Айчыны.

Вольга ЧАРНЯЎСКАЯ.



Добавить комментарий

Ваш e-mail не будет опубликован. Обязательные поля помечены *