Фінальны акорд дзяцінства (фотарэпартаж са школьнага выпускнога балю ў Шаркаўшчынскай СШ № 1)

Актуальное Молодежь

IMG_7573 (Копировать)На мінулым тыдні звыш 130 адзінаццацікласнікаў нашага раёна атрымалі атэстаты  аб агульнай сярэдняй адукацыі. 4 выпускніцы закончылі школу з залатым медалём.  Гэта  Надзея Булкіна, Паліна Вярыга (Шаркаўшчынская СШ № 1), Ксенія Міхнёнак (Шаркаўшчынская СШ № 2) і Марына Шынкевіч (Лужкаўская СШ).

А вечарам 10 чэрвеня ў спартыўнай зале Шаркаўшчынскай СШ № 1 было цёпла і сонечна. Бацькі, настаўнікі, прадстаўнікі раённай улады, многія шаркаўчане і госці нашага раёна завіталі ў гэту навучальную ўстанову  на развітальны выпускны баль, каб павіншаваць такіх яркіх і непаўторных, ужо амаль дарослых і вельмі прыгожых юнакоў і дзяўчат – выпускнікоў 2016 года. У Шаркаўшчынскай СШ № 1 іх у гэтым годзе 60 чалавек.

Урачыстасць выпускнога балю  з адзінаццацікласнікамі Шаркаўшчынскай сярэдняй школы № 1 раздзяліў старшыня райвыканкама Мікалай Ірынархавіч Баговіч, які ў гэты асаблівы для маладых людзей дзень прысутнічаў на мерапрыемстве, шчыра павіншаваў усіх выпускнікоў  з паспяховым заканчэннем школы і пажадаў ім усяго самага найлепшага, у тым ліку і паспяховага паступлення ў навучальныя ўстановы краіны. А лепшыя вучні школы, удастоеныя ганаровага звання “Вучань года”, атрымалі ў час урачыстай цырымоніі Падзякі старшыні райвыканкама.  Яркім і ўрачыстым момантам свята стала таксама атрыманне атэстатаў  аб агульнай сярэдняй адукацыі. Іх выпускнікам уручыў дырэктар Шаркаўшчынскай СШ № 1 Сяргей Рафаілавіч Ганебны.

Развітваючыся са школай, выпускнікі 2016 года абяцалі, што праз усё жыццё пранясуць звонкія пералівы школьнага званка, светлы сум і чараўніцтва казачнага выпускнога балю, дух школьнага сяброўства і сардэчную ўдзячнасць усім тым, хто на працягу апошніх адзінаццаці год заўсёды заставаўся побач. У гэты незабыўны вечар разам са  светлымі марамі ў неба паляцелі рознакаляровыя шары – сімвал школьнага сяброўства і дзяцінства. Яркі і хвалюючы школьны вальс  у апошні раз закружыў адзінаццацікласнікаў, на якіх з такой пяшчотай, цеплынёй і любоўю глядзелі бацькі, настаўнікі, класныя кіраўнікі  і ўсе родныя. Закрываючы апошнюю старонку непаўторнай школьнай аповесці, ад усяго сэрца яны жадалі сваім выпускнікам толькі шчасця. І няхай усе іх мары збываюцца!

Вольга ЧАРНЯЎСКАЯ.IMG_7512 (Копировать) IMG_7528 (Копировать) IMG_7534 (Копировать) IMG_7553 (Копировать) IMG_7572 (Копировать)
IMG_7584 (Копировать) IMG_7587 (Копировать) IMG_7601hh (Копировать) IMG_7606 (Копировать) IMG_7609 (Копировать) IMG_7610 (Копировать) IMG_7612 (Копировать) IMG_7625 (Копировать) IMG_7629 (Копировать) IMG_7645kk (Копировать) IMG_7678 (Копировать) IMG_7699 (Копировать) IMG_7719 (Копировать) IMG_7726 (Копировать) IMG_7733 (Копировать) IMG_7750 (Копировать) IMG_7812 (Копировать) IMG_7819 (Копировать) IMG_7820 (Копировать) IMG_7829 (Копировать) IMG_7833 (Копировать) IMG_7843 (Копировать) IMG_7851 (Копировать)



Добавить комментарий

Ваш e-mail не будет опубликован. Обязательные поля помечены *