25 лістапада ў вялікай зале райвыканкама адбылося пасяджэнне раённага выканаўчага камітэта. У ім прынялі ўдзел начальнікі ўпраўленняў і аддзелаў райвыканкама, старшыні сельскіх выканаўчых камітэтаў, кіраўнікі арганізацый і ўстаноў райцэнтра, а таксама сельгаспрадпрыемстваў.
На парадку дня разглядаліся тры пытанні. “Аб стане ідэалагічнай работы ў ДКУБП “Шаркаўшчынская перасоўная механізаваная калона № 68” — з дакладам на гэту тэму выступіў начальнік аддзела ідэалагічнай работы райвыканкама Юрый Анатольевіч Васілеўскі. Са справаздачай выступіў кіраўнік арганізацыі Анатолій Фёдаравіч Хліманкоў. Сваё багачанне сітуацыі ў названай сферы выказаў галоўны спецыяліст упраўлення ідэалагічнай работы аблвыканкама Анатолій Мікалаевіч Гуцуляк. Намеснік старшыні райвыканкама Галіна Фёдараўна Волах падвяла вынікі працы ў сферы ідэалогіі на прадпрыемстве.
“Аб зацвярджэнні палажэння аб камісіі па бяспецы дарожнага руху Шаркаўшчынскага райвыканкама” — з дакладам на гэту тэму выступіў намеснік старшыні райвыканкама Міхаіл Генадзьевіч Ясюкевіч.
“Аб разгледжанні фактаў гібелі людзей на пажарах” — справаздачу па дадзенаму пытанню зрабіў начальнік РАНС Андрэй Мечыслававіч Федуковіч.
Вёў пасяджэнне і прымаў непасрэдны ўдзел у яго рабоце першы намеснік старшыні райвыканкама Мікалай Ірынархавіч Баговіч.
Аляксандр БАРЫЛА
Вторник, 21.04.2026
