З 1 па 8 красавіка ў Беларусі праходзіла акцыя “Тыдзень лесу-2017”, якая была прысвечана ўзнаўленню лясоў, пацярпелых ад прыроднай стыхіі. У акцыі прынялі ўдзел 82,5 тысячы чалавек, якія высадзілі 21 мільён дрэваў. Далучыўся да акцыі і калектыў Шаркаўшчынскага раённага аддзела Следчага камітэта Рэспублікі Беларусь. 8 красавіка яны займаліся высадкай саджанцаў бярозы і елкі на тэрыторыі Германавіцкага лясніцтва каля вёскі Дзікева на ўчастку плошчай 1 гектар. Акрамя гэтага правялі азеляненне тэрыторыі каля будынка раённага аддзела Следчага камітэта.
