Перыяд дашкольнага ўзросту з’яўляецца па-сапраўднаму ўнікальным: настолькі інтэнсіўнага развіцця чалавек больш не перажывае ніколі. У дашкольным узросце фарміруюцца асноўныя жыццёвыя паняцці, у тым ліку паняцці здароўя і правільных здаровых паводзін. Атрыманыя ў гэтым узросце уяўленні парой бываюць надзвычай моцнымі і кладуцца ў аснову далейшага развіцця чалавека.
Захаванне і ўмацаванне здароўя дашкольнікаў – адзін з вядучых накірункаў дзейнасці яслі-сада № 4. Менавіта там 10 лістапада адбыўся агульны бацькоўскі сход, які меў назву “За здароўем – у дзіцячы сад”. Падчас сустрэчы з бацькамі, супрацоўнікі дзіцячага сада падзяліліся з імі вопытам сваёй работы і прадэманстравалі найбольш цікавыя рухомыя гульні, якія можна праводзіць і дома, бо яны так падабаюцца дзецям. Асаблівую ўвагу педагогі звярнулі на арганізацыю здаровага харчавання дашкольнікаў, іх гігіену і рацыянальны рэжым дня, умераныя фізічныя нагрузкі. Сапраўдным падарункам для бацькоў сталі выступленні іх дзяцей. Як праводзяцца ў дзіцячым садку заняткі па фізічнай культуры, разам з дзецьмі прадэманстравала Анжэла Іванаўна Аліхвер, кіраўнік фізічнага выхавання ў названай дашкольнай установе.Пра захаванне і ўмацаванне здароўя сваіх дзяцей бацькі пагутарылі і з урачом. На мерапрыемстве прысутнічала ўрач-педыятр Шаркаўшчынскай ЦРБ Вера Раманаўна Юркевіч.
Вольга ЧАРНЯЎСКАЯ.
