30 год служэння Богу і людзям прысвяціў ксёндз Кшыштаф Сілкоўскі

Актуальное

Кшыштаф Сілкоўскі прымае віншаванні ад наведвальнікаў нядзельнай школы

У мінулую нядзелю ў касцёле Узвышэння Святога Крыжа адбылася ўрачыстая Імша з нагоды 30-годдзя служэння Богу і людзям пробашча парафіі ксяндза Кшыштафа Сілкоўскага. На святочнай Імшы прысутнічалі старшыня райвыканкама Мечыслаў Віктаравіч Морхат і начальнік аддзела культуры райвыканкама Іна Мар’янаўна Шынкевіч.
Пасля заканчэння малітвы Мечыслаў Віктаравіч павіншаваў Кшыштафа Сілкоўскага і ўсіх вернікаў каталіцкага касцёла з такой урачыстасцю, уручыў святару Ганаровую грамату райвыканкама за развіццё духоўнасці і культуры, а ў якасці падарунка для наведвальнікаў нядзельнай школы — тэлевізар. Ад аддзела культуры Іна Мар’янаўна падарыла карціну з краявідамі Шаркаўшчыны і, зразумела, кветкі.
Цёплыя словы віншавання, кветкі і падарункі святару былі ад парафіян Шаркаўшчыны, аграгарадка Іёды (куды не раз даязджаў ксёндз), навучэнцаў нядзельнай школы, якія чыталі вершы і спявалі. Было шмат індывідуальных віншаванняў з розных куткоў Беларусі і не толькі…Свае віншаванні даслаў біскуп Уладзіслаў Блін — ардынарый Віцебскай дыяцэзіі, а таксама святары з яго ордэна.
Вось некалькі вытрымак з віншавальных паштовак: “У гісторыю

каштоўныя падарункі Кшыштафу Сілкоўскаму

Шаркаўшчынскай парафіі Ваша імя ўжо запісана залатымі літарамі, бо менавіта Вы, шаноўны наш Ойча, з’яўляецеся першым пробашчам Шаркаўшчынскага касцёла, адроджанага пасля гадоў бязбожжа. Гэта Вас вымалілі ў Бога вернікі, бо ў Шаркаўшчыне на працягу 40 гадоў не было ні касцёла, ні ксяндза. Больш таго, вы з’яўляецеся будаўніком нашай святыні…”
“Куды б не закінуў Вас лёс жыццёвы, —
На тое былі падставы.
Людзям даносіце Божае слова,
За гэта ўдзячнасць і слава…”
Хто ж ён, Кшыштаф Сілкоўскі? Нарадзіўся ў горадзе Сувалкі (Польша) у 1954 годзе. Скончыў сельскагаспадарчы тэхнікум па спецыяльнасці садавод. Духоўную адукацыю атрымаў у навіцыяце горада Плішчын каля Любліна і Вышэйшай місійнай семінарыі ў г. Стаднікі. У чэрвені 1982 года атрымаў святарскае пасвячэнне. Амаль дзесяць гадоў працаваў на місіі ў Заіры (Афрыка). З 1992 года — у Беларусі. У 1992—1995 г.г. яго стараннямі пабудаваны ў нашым райцэнтры касцёл Узвышэння Святога Крыжа. Пасля шэсць гадоў працаваў у парафіі святога Антонія Падуанскага і Беззаганнага Зачацця Найсвяцейшай Панны Марыі ў Паставах. І ўжо 15 гадоў як Кшыштаф Сілкоўскі зноў у Шаркаўшчыне.
Асаблівыя ўражанні захоўвае святар у сваёй памяці ад святарскага жыцця на “чорным” кантыненце:
“У Афрыку я трапіў, як у цяпліцу, дзе патрэбна было працаваць круглыя суткі. Я сам адчуў руку Бога і быў моцна ўдзячны Яму за тое, што высадзіў мяне на тую глебу, дзе ўзрастаў духоўна і дапамагаў узрастаць людзям, пра якіх амаль што нічога не ведаў. Заір узбагаціў мяне, расшырыў мне веды і ўяўленні аб наваколлі, аб сусвеце, аб чалавеку, як Божым стварэнні.”
Кшыштаф Сілкоўскі запрашае прыхаджан касцела займацца добраўпарадкаваннем тэрыторыі каля касцёла. Імкнецца стварыць наўкола прыгажосць і ўтульнасць.
Ксёндз Кшыштаф Сілкоўскі належыць да тых вучняў Хрыста, каго Ён прызваў да Сябе і паслаў абвяшчаць Яго вучэнне народам.
Кацярына СОСНА



Добавить комментарий

Ваш e-mail не будет опубликован. Обязательные поля помечены *