1 мая ў РЦК прайшло ўрачыстае мерапрыемства, прысвечанае 115-годдзю прафсаюзнага руху Беларусі

Актуальное

IMG_1268

1 мая ў раённым Цэнтры культуры прайшла ўрачыстасць, прысвечаная святу Працы і вясны, 115-годдзю прафсаюзнага руху Беларусі. У глядзельнай зале сабраліся лідары прафсаюзных арганізацый, работнікі прадпрыемстваў і ўстаноў гарадскога пасёлка і раёна.

Для ўсіх прысутных у танцавальнай зале была прадстаўлена выстава тартоў, выпечаных членамі пярвічных прафсаюзных арганізацый пад назвай “Вясна! Прафсаюз! Першамай!”. Усе, хто прыняў удзел у прыгатаванні гэтых шыкоўных кандытарскіх вырабаў, не проста прадэманстравалі іх, а яшчэ і правялі так званую абарону выпечкі ў вершаванай форме. Тут жа можна было і пакаштаваць гэтыя прысмакі.

Намеснік старшыні райвыканкама Юрый Анатольевіч Васілеўскі павіншаваў прысутных са святам Працы і юбілеем прафсаюзнага руху нашай краіны. Ён падкрэсліў, што Першамай заўсёды быў і застаецца сімвалам дабра, міра і адзінства. Юрый Анатольевіч пажадаў прафсаюзным лідарам заўсёды стаяць на варце абароны правоў і інтарэсаў працоўных людзей.А ўсім прысутным ён пажадаў працоўных поспехаў, добрага настрою і сонечных дзён.

Старшыня раённага аб’яднання прафсаюзаў Ігар Віктаравіч Малюгін таксама далучыўся да віншаванняў. Ён расказаў пра гісторыю станаўлення і развіцця прафсаюзнага руху Беларусі, пра сённяшні дзень самай буйной грамадскай арганізацыі краіны.

На свяце Ігар Віктаравіч Малюгін уручыў Падзякі раённага аб’яднання прафсаюзаў ветэранам працы, якія ў розныя гады былі старшынямі прафсаюзных арганізацый. Узнагароды атрымалі Гедыён Буйка, Галіна Лялека, Зінаіда Касарэўская, Аліна Латышонак, Таіса Ладзіс, Галіна Шарыпа, Марыя Кажура, Леанід Раманоўскі, Ларыса Чарняўская і Леаніда Грыцкевіч.

А якое ж свята без добрай музыкі і песень? Работнікі ўстаноў культуры гарадскога пасёлка і раёна дарылі свой бадзёры настрой гледачам. Працяглыя апладысменты публікі гучалі пасля кожнага канцэртнага нумара, асабліва, калі на сцэну па чарзе выходзілі дзіцячыя калектывы раённага Цэнтра культуры. Вясёлыя і шчырыя дзіцячыя ўсмешкі і звонкія галасы хлопчыкаў і дзяўчынак разносіліся па зале. Свята атрымалася незабыўным, напоўненым веснавым сонечным цяплом і пазітывам.

Сяргей РАЙЧОНАК.

IMG_1196 IMG_1198 IMG_1201 IMG_1203 IMG_1209 IMG_1212 IMG_1216 IMG_1220 IMG_1222 IMG_1223 IMG_1225 IMG_1226 IMG_1232 IMG_1234 IMG_1244 IMG_1245 IMG_1254 IMG_1259 IMG_1265 IMG_1267 IMG_1280 IMG_1294 IMG_1297 IMG_1303

 

IMG_1312

IMG_1314 IMG_1318 IMG_1323 IMG_1325 IMG_1328 IMG_1333 IMG_1338 IMG_1342 IMG_1344 IMG_1346 IMG_1351 IMG_1354 IMG_1364 IMG_1371 IMG_1374 IMG_1377 IMG_1379 IMG_1381 IMG_1384 IMG_1387