Кіраванне фінансавымі сродкамі ўсяго раёна ажыццяўляюць работнікі фінансавага аддзела райвыканкама

Актуальное

Кожны год у першую нядзелю студзеня прафесійнае свята адзначаюць работнікі фінансавай сферы. Прымаць віншаванні заўтра будуць усе тыя, хто абраў у сваім жыцці гэтую далёка нялёгкую дзейнасць, бо праца з грашовымі сродкамі і бясконцым шэрагам лічбаў — справа тонкая і адказная. У любой арганізацыі, установе або на прадпрыемстве яна патрабуе высокага прафесіяналізму, максімальнай канцэнтрацыі ўвагі, належнага вопыту. А калі гэта датычыцца кіравання фінансавымі сродкамі ўсяго раёна, які ажыццяўляюць работнікі фінансавага аддзела райвыканкама! Тут, безумоўна, адказнасць вельмі вялікая. Між тым, з усім аб’ёмам работ спраўляецца невялікі калектыў, які складаецца з прадстаўніц прыгожай паловы чалавецтва. Гэта вопытныя спецыялісты і проста абаяльныя жанчыны, большасць з якіх ужо доўгі перыяд часу добрасумленна выконваюць свае абавязкі і паспяхова спраўляюцца з пастаўленымі задачамі.

Спектр дзейнасці аддзела дастаткова шырокі, а, як вядома, у грашовай сферы не бывае дробязяў, таму і спецыфіка фінансавай дзейнасці патрабуе ад спецыялістаў дакладнасці, канкрэтнасці і аператыўнасці. Менавіта дадзеныя прафесійныя якасці і з’яўляюцца вызначальнымі для супрацоўнікаў райфінаддзела.

Немалаважна і тое, што самы вопытны спецыяліст аддзела — гэта яго кіраўнік Валянціна Аляксееўна Лось. Жыццё гэтай жанчыны неразрыўна звязана з абранай у свой час прафесіяй. Звыш 35 гадоў яна працуе ў арганізацыі, і ўжо больш за 20 — узначальвае аддзел, а значыць, нясе поўную адказнасць за ажыццяўленне кіравання фінансавымі сродкамі ў раёне.

Людміла ЛАТЫШОНАК.

Фота Марыны ЖАКАЎКА.



Добавить комментарий

Ваш e-mail не будет опубликован. Обязательные поля помечены *