
У сярэдняй школе № 1 гарадскога пасёлка адбылося асаблівае, напоўненае душэўным цеплынёй і нацыянальным каларытам мерапрыемства — «Пакроў накрыў зямлю жоўтым лістом». Яго ўдзельнікамі сталі вучні 4-х і 6-х класаў.
Галоўнай мэтай сустрэчы стала знаёмства дзяцей з багатымі беларускімі народнымі традыцыямі, якія спрадвеку шанаваліся на нашай зямлі. Школьнікі не проста даведаліся пра гісторыю і звычаі свята Пакрова, але і зрабілі чарговы крок да спазнання мілагучнасці і прыгажосці роднай мовы, цікавасць да якой так важна развіваць з маленства.
Гэты дзень быў прасякнуты глыбокім пачуццём удзячнасці, бо Пакроў Прасвятой Багародзіцы непарыўна звязаны з Днём маці. Мерапрыемства дапамагло выхаваць у дзяцей яшчэ большую любоў і павагу да матуль, а таксама гонар за сваю спадчыну.
Разам мы захоўваем тое, што робіць нас беларусамі!
Алена АНАНІЧ, фота аўтара.












