З шаснаццатай сесіі раённага Савета дэпутатаў

14 верасня адбылася чарговая шаснаццатая сесія раённага Савета дэпутатаў. Пасяджэнне вёў яго старшыня Уладзімір Серафімавіч Шпец. На нараду былі запрошаны дэпутаты, старшыні сельскіх Саветаў, кіраўнікі арганізацый, а таксама службаў і аддзелаў райвыканкама.
З дакладам аб ходзе выканання рашэння сесіі раённага Савета дэпутатаў ад 5 снежня 2011 г. № 83 “Аб зацвярджэнні Праграмы сацыяльна-эканамічнага развіцця раёна на 2011—2015 гады” выступіла галоўны спецыяліст аддзела эканомікі райвыканкама Таццяна Іванаўна Мечаль. Яе дапоўнілі дырэктар УКП ЖКГ Валянцін Францавіч Бука і першы намеснік старшыні праўлення райспажыўтаварыства Наталля Аляксееўна Пятрова.
З дакладам аб развіцці бытавога абслугоўвання насельніцтва сельскіх населеных пунктаў выступіла выконваючая абавязкі дырэктар РКБА Рыма Канстанцінаўна Іванова.
Начальнік аддзела эканомікі ўпраўлення сельскай гаспадаркі і харчавання Алена Міхайлаўна Ціхановіч паведаміла аб зацвярджэнні Інструкцыі аб парадку продажу заселеных жылых памяшканняў сельгасарганізацый, якія знаходзяцца ў камунальнай уласнасці Шаркаўшчынскага раёна, грамадзянам, якія там жывуць.
Начальнік аддзела архітэктуры райвыканкама Уладзімір Пятровіч Касарэўскі азнаёміў прысутных з інфармацыяй аб рэалізацыі і фінансаванні праекта міжнароднай тэхнічнай дапамогі “Малыя рэкі — вялікія праблемы: працуем разам над абаронай і будучыняй малых рэк басейна ракі Дзісна”.
Таццяна Іванаўна Мечаль паведаміла інфармацыю аб вызваленні РКБА ад пералічэнняў у райбюджэт часткі арэнднай платы, а таксама пра згоду на адчужэнне шляхам бязвыплатнай перадачы маёмасці ўстаноў адукацыі.
Начальнік фінансавага аддзела райвыканкама Валянціна Аляксееўна Лось паведаміла аб унясенні змяненняў у рашэнне раённага Савета дэпутатаў ад 27 снежня 2011 г. № 89.
Уладзімір Серафімавіч Шпец азнаёміў прысутных з інфармацыяй аб дэпутацкім запыце дэпутата раённага Савета дэпутатаў ад Маладзёжнай выбарчай акругі № 6 Мікалая Валянцінавіча Манкевіча.
Аляксандр БАРЫЛА