За мінулыя выхадныя, згодна са статыстыкай МНС Рэспублікі Беларусь, пад лёд праваліліся сем рыбакоў, двое з іх утапіліся. У сувязі з гэтым у чарговы раз нагадваю, што выходзіць на нетрывалы лёд забараняецца. Больш-менш бяспечным лёд становіцца, калі дасягае таўшчыні 7-10 см. Перад тым як ступіць на лёд, трэба праверыць яго трываласць з дапамогай пешні ці палкі. Выходзіць на лёд у пачатку зімы можна толькі ў сухое марознае надвор’е. Нельга рабіць гэтага падчас нават кароткачасовых адліг, калі лёд падтайвае і становіцца рыхлым. Не рэкамендуецца выходзіць на лёд у завіруху ці ў цёмны час сутак, скакаць і бегаць па льду, збірацца вялікімі групамі.Аматарам зімняй рыбалкі рэкамендуецца мець пры сабе адпаведную выратавальную экіпіроўку
Звяртаюся да жыхароў раёна і гарадскога пасёлка, у гэты небяспечны перыяд будзьце асабліва асцярожнымі.
У. КАТОВІЧ,
старшыня раённага таварыства выратавання на вадзе.