Абласны аўтапрабег, прысвечаны 69-й гадавіне Вялікай Перамогі

Актуальное

дэлегацыя Шаркаўшчынскай аўташколы на мемарыяльным комплексе “Прарыў”

7 мая 2014 адбыўся аўтапрабег па маршруце Лепель-Ушачы-мемарыяльны комплекс  “Прарыў” ў гонар 69-годдзя Перамогі савецкага народа ў Вялікай Айчыннай вайне. Удзел у ім прынялі і прадстаўнікі Шаркаўшчынска-Міёрскай арганізацыйнай структуры ДТСААФ. Аб гэтым нам расказвае сакратар навучальнай установы Наталля Пяткевіч:

— Арганізатарам мерапрыемства выступіў Віцебскі абласны савет ДТСААФ, які ўзначальвае  Васілій Корабаў, а ўдзел ў ім прынялі звыш 800 чалавек. Аутапрабег пачаўся з мітынгу ў Лепелі, тут ўсклалі вянкі і кветкі да магіл загінуўшых, ўрачыста прынялі вучняў у піянеры і члены ГА БРСМ, павіталі парад піянерскіх дружын і ўручылі пуцёўкі на трэці працоўны семестр маладзёжным атрадам. Далейшым прыпынкам удзельнікаў аўтапрабегу стала цэнтральная плошча гарадскога пасёлка Ушачы, дзе выступілі духавыя аркестры вайсковай часці з Заслонава і юныя навучэнцы лепельскай дзіцячай школы мастацтваў. Наведаць сталіцу партызанскага краю, якой называюць Ушачы, прыехалі ўдзельнікі аутапрабегу з Віцебска, Наваполацка, Полацка, Лепельскага, Чашніцкага, Пастаўскага, Глыбоцкага і Шаркаўшчынскага раёнаў. Затым калона накіравалася на мемарыяльны комплекс “Прарыў”, дзе праходзілі асноўныя мерапрыемствы. Удзельнікі аўтапрабегу змаглі пачаставацца салдацкай кашай, гарачай гарбатай і марожаным, якое прадставіў Лепельскі малочна-кансервавы камбінат. Урачысты мітынг, дапоўнены яскравымі выступленнямі юных артыстаў, надоўга запомніцца ўсім удзельнікам аутапрабегу, якія ўсклалі кветкі і вянкі да пліт з імёнамі загінуўшых вызваліцеляў.

Падрыхтаваў Сяргей РАЙЧОНАК



Добавить комментарий

Ваш e-mail не будет опубликован. Обязательные поля помечены *