Вельмі важна, каб ад свята Дня ведаў ў дзяцей засталіся толькі станоўчыя эмоцыі і самыя найлепшыя ўражанні. А таму для сваіх маленькіх гледачоў, вучняў пачатковых класаў школ гарадскога пасёлка артысты і ўдзельнікі мастацкай самадзейнасці раённага Цэнтра культуры падрыхтавалі і паказалі на сцэне цікавую казачную пастаноўку “Прыгоды Бураціна”. Вясёлыя і гарэзлівыя персанажы вядомай дзіцячай казкі не проста пазнаёмілі хлопчыкаў і дзяўчынак з сюжэтам добра вядомай аповесці Аляксея Талстога, але і расказалі дзецям аб тым, што неабходна ўмець чытаць, пісаць, лічыць, важна быць адукаваным і дзякуючы гэтаму можна пераадолець любыя цяжкасці на жыццёвым шляху. З пачаткам новага навучальнага года ў першы дзень восені сваіх маленькіх гледачоў павіншавалі: Іван Русецкі, Аляксандр Карабкоў, Таццяна Крыўко, Аксана Міронава, Таццяна Лаздоўская, Наталля Карман, Жанна Пундзіс, Аляксей Краўчанка, Надзея Гарбачонак і Святлана Базарэвіч, якія і выступілі ў ролі казачных персанажаў.
Вольга ЧАРНЯЎСКАЯ.
