Зіма заканчваецца — лёд танчэе

Служба 101

1dad91f4df82feb3679f35b084c6e1daЗаканчваецца люты, і зіма імкліва здае свае пазіцыі. Паступова растае снег, і лёд на вадаёмах становіцца ўсё танчэй і танчэй. І калі на азёрах ледзяное покрыва ў бліжэйшы час застанецца яшчэ даволі трывалым, то выхад на рэкі ўжо цяпер становіцца небеспячным.

—У Шаркаўшчынскім раёне мала азёраў, — кажа старшыня раённага таварыства выратаванне на вадзе Уладзімір Валер’евіч Катовіч, — таму тыя, у каго няма магчымасці выязджаць на рыбалку ў суседнія раёны, выходзяць лавіць рыбу на рэкі. Як вядома, на рэках лёд заўсёды растае хутчэй, асабліва пры  плюсавых тэмпературах і ападках у выглядзе мокрага снегу і дажджу, якія назіраюцца сёлета напрыканцы лютага. Таму звяртаюся да рыбакоў з просьбай устрымацца ад зімовай рыбалкі на рэках. Таксама жыхарам Шаркаўшчыны і раёна трэба адмовіцца ад звычкі пераходзіць рэкі па льду, якая ўзнікае зімою. Канечне, такім чынам можна з’эканоміць час, але не забывайце, што такая эканомія пагражае вашаму жыццю.

Падрыхтаваў Андрэй БУРЭЦ.



Добавить комментарий

Ваш e-mail не будет опубликован. Обязательные поля помечены *