Як паведаміла начальнік аддзела ЗАГС Шаркаўшчынскага райвыканкама Марына Крыштофаўна Каланда, за мінулы год у нашым раёне на свет з’явілася 117 дзяцей: 64 хлопчыкі і 53 дзяўчынкі. У 38 сем’ях шаркаўчан нарадзіўся першынец, у 45 — другое дзіця, у 25 — трэцяе, у 7 — чацвёртае, у адной сям’і — пятае, у адной сям’і — шостае дзіця.
Дзяўчынак часцей за ўсё называлі Аляксандра, Анастасія, Валерыя, Кацярына і Ксенія. Хлопчыкаў — Мацвей, Уладзіслаў, Арцём, Ілля і Кірыл. Сярэдні ўзрост бацькі склаў 31 год, маці — 27 гадоў.
Падрыхтаваў Сяргей РАЙЧОНАК.