Сёмага сакавіка ў сераду трэцяй сядміцы Вялікага посту архіепіскап Полацкі і Глыбоцкі Феадосій наведаў Свята-Успенскую царкву ў Шаркаўшчыне. Уладыку ўрачыста сустрэлі на ўваходзе ў храм, падзякавалі за чарговы візіт, уручылі букет прыгожых кветак. Разам з архіепіскапам Боскую літургію адслужылі протаіерэі Пётр Бараноўскі, Віктар Валашчук, Мікалай Гуцко, іерэй Васілій Стрыжнёў. Царкоўныя песнапенні ў храме выканаў хор з горада Глыбокае.
У заканчэнні літургіі ўладыка павіншаваў прыхаджан з прыняццем Святых Хрыстовых Тайнаў, звярнуўся да вернікаў са словамі навучання. Архіепіскап прызваў стойка пераносіць увесь цяжар Вялікага посту, каб дастойна сустрэць свята светлага Хрыстова Уваскрэсення.
Сяргей РАЙЧОНАК.
