27 чэрвеня ў Шаркаўшчыне прайшоў «Маладзёжны фэст»

Молодежь Общество

IMG_9242 (Копировать)У апошнюю нядзелю тыдня ў Беларусі традыцыйна адзначаецца Дзень моладзі. З гэтай нагоды 27 чэрвеня ў парку ААТ “Агратэхсэрвіс” прайшло свята “Маладзёжны фэст”.
Работнікі ўстаноў культуры і ўдзельнікі гурткоў мастацкай самадзейнасці дарылі сваё песеннае мастацтва прысутным гледачам. Працавалі шматлікія тэматычныя пляцоўкі, дзе любы жадаючы мог прыняць удзел у інтэлектуальнай віктарыне, арганізаванай ўдзельнікамі клуба “Белы сыч”, згуляць у шашкі, дартс. Маленькія дзеці з радасцю і ахвотай весяліліся з клоунамі, каталіся на каруселях. Да таго ж яшчэ працавалі фотазоны. Нямала было жадаючых сфатаграфавацца з жывымі скульптурамі, у якіх пераўвасобіліся работнікі культуры. Смачна падсілкавацца можна было ў гандлёвай палатцы Пастаўскага філіяла Віцебскага аблспажыўтаварыства. А набыць памятныя сувеніры шаркаўчанам прапанавалі супрацоўнікі раённага цэнтра рамёстваў і раённага цэнтра дзяцей і моладзі.
Песні, музыка і танцы ў той дзень прадаўжаліся да позняга вечара. Усе, хто выступаў на сцэне, у якасці падарунка атрымалі салодкія пачастункі ад першага сакратара райкама БРСМ Веранікі Кавалеўскай.
Свята атрымалася цікавым, вясёлым і змястоўным. Шкада толькі, што жыхары гарадскога пасёлка ў малой колькасці прыйшлі ў нядзелю ў парк адпачынку. Некаторыя спужаліся дожджу, якія прайшоў у той дзень раніцай, іншыя проста не захацелі раздзяліць радасць свята са сваімі сябрамі. Між іншым, тыя, хто трапіў на “Маладзёжны фэст”, не пашкадавалі, атрымаўшы зарад бадзёрасці і вясёлы настрой.
Сяргей РАЙЧОНАК.

IMG_9171 (Копировать) IMG_9176 (Копировать) IMG_9178 (Копировать) IMG_9184 (Копировать) IMG_9187 (Копировать) IMG_9193 (Копировать) IMG_9195 (Копировать) IMG_9196 (Копировать) IMG_9198 (Копировать) IMG_9200 (Копировать) IMG_9204 (Копировать) IMG_9205 (Копировать) IMG_9208 (Копировать) IMG_9209 (Копировать) IMG_9210 (Копировать) IMG_9213 (Копировать) IMG_9214 (Копировать) IMG_9217 (Копировать) IMG_9218 (Копировать) IMG_9219 (Копировать) IMG_9221 (Копировать) IMG_9223 (Копировать) IMG_9224 (Копировать) IMG_9225 (Копировать) IMG_9232 (Копировать) IMG_9240 (Копировать) IMG_9249 (Копировать) IMG_9251 (Копировать) IMG_9256 (Копировать)