22 жніўня, напярэдадні новага навучальнага года, у раённым Доме культуры адбыўся традыцыйны педагагічны форум, у якім прынялі ўдзел прадстаўнікі ўлады, кіраўнікі агульнаадукайцыйных і дашкольных устаноў, іх намеснікі, лепшыя педагогі раёна, ветэраны сістэмы адукацыі і маладыя спецыялісты.
Перад пачаткам работы форуму педагагічнымі калектывамі школ была арганізавана выстава работ дэкаратыўна-прыкладной творчасці, якая на гэты раз была прысвечана Году кнігі. У час правядзення мерапрыемства настаўнікі прымалі віншаванні, дзяліліся планамі на будучыню, падводзілі вынікі сваёй дзейнасці ў мінулым годзе і вызначалі перспектывы далейшага развіцця сістэмы адукацыі раёна.
З пачаткам новага навучальнага года і Днём ведаў усіх прысутных павіншаваў намеснік старшыні райвыканкама Аляксандр Аляксандравіч Цітовіч. З асноўным дакладам ”Рэгіянальная сістэма адукацыі: стан, тэндэнцыі і перспектывы далейшага развіцця” выступіла начальнік аддзела адукацыі райвыканкама Валянціна Іванаўна Лемяшэўская.
За дасягнутыя поспехі ў галіне адукацыі і выхаванні падрастаючага пакалення лепшыя педагогі раёна атрымалі ўзнагароды.
***
Дзейнасць настаўніка нейкім дзіўным чынам спалучае ў сабе маладосць душы і мудрасць слова, бесперапынную няпростую працу і штодзённае свята ведаў. Добры настаўнік — адзін з галоўных людзей у жыцці кожнага чалавека. Здаецца, мы ўжо ўсё ведаем пра асаблівасці гэтай няпростай, а парой і няўдзячнай прафесіі, для якой характэрны і невялікая заработная плата, і пастаянная занятасць, і шматлікія гадзіны, праведзеныя ў школе. Але не гэта галоўнае. Настаўнік — ўсё ж не проста прафесія, а лад жыцця, і жыццё гэта аддадзена дзецям.
Жнівеньская нарада настаўнікаў — значная падзея для ўсіх школ. Менавіта з яе, як правіла, пачынаецца вучэбны год для педагогаў.
Вось і на гэты раз лепшыя настаўнікі раёна, ветэраны працы, маладыя спецыялісты, кіраўнікі устаноў адукацыі, педагогі дадатковай адукацыі, а таксама дашкольных устаноў сталі ўдзельнікамі раённага педагагічнага форуму, які па традыцыі прайшоў у раённым Доме культуры напярэдадні новага навучальнага года. Правядзенне мерапрыемстваў такога ўзроўню – гэта выдатная магчымасць для ўсіх прысутных атрымаць новы вопыт, абмеркаваць пытанні педагагічнага майстэрства, падвесці вынікі сваёй дзейнасці за мінулы год, а таксама вызначыць перспектывы далейшага развіцця сістэмы адукацыі раёна.
Асаблівую цікавасць удзельнікаў выклікала выстава работ дэкаратыўна-прыкладной творчасці, якая ў гэтым годзе была прысвечана Году кнігі. Творчыя кампазіцыі, прадстаўленыя ўсімі ўстановамі адукацыі і сапраўды заслугоўвалі асаблівай увагі гледачаў і выклікалі захапленне. А пераможцамі выставы педагагічных талентаў названы калектывы Лужкаўскай СШ, Шаркаўшчынскай сярэдняй школы № 1, ясляў-сада № 1 і № 5 гарадскога пасёлка, Каўшэлеўскага дзіцячага сада, Шаркаўшчынскага цэнтра дзяцей і моладзі і Велікасельскай сярэдняй школы-сада.
З рэзультатамі работы сістэмы адукацыі раёна, задачамі і перспектывамі на 2012—2013 навучальны год прысутных азнаёміла начальнік аддзела адукацыі райвыканкама Валянціна Іванаўна Лемяшэўская. Сваімі думкамі аб рэалізацыі галоўных педагагічных задач дзяліліся намеснік дырэктара Шаркаўшчынскай сярэдняй школы № 2 Людміла Палікарпаўна Сцяпанава, настаўніца англійскай мовы сярэдняй школы № 1 Ала Іосіфаўна Варажун, дырэктар Улінаўскай пачатковай школы-сада Алена Мікалаеўна Прахаронак, загадчыца Лужкаўскага дзіцячага сада Наталля Расціславаўна Філіпёнак і дырэктар Шкунцікаўскай базавай школы Марына Вітальеўна Толкач.
Намеснік старшыні райвыканкама Аляксандр Аляксандравіч Цітовіч павіншаваў усіх прысутных са святам — педагагічным форумам і пачаткам новага навучальнага года. У час свайго выступлення ён адзначыў, што творчыя і таленавітыя настаўнікі ніколі не застануцца без падтрымкі ўлады, бо гэтым людзям даверана самае дарагое — дзеці, а яны будучыня шаркаўшчынскага рэгіёна. Аляксандр Аляксандравіч спыніўся на некаторых момантах сацыяльна-эканамічнага развіцця раёна, паведаміў пра дасягненні моладзі нашага краю. У бягучым годзе са 158 выпускнікоў 45 працэнтаў паступілі ў вышэйшыя навучальныя ўстановы, 5 вучняў сталі прызёрамі абласных алімпіяд. І зараз у раёне многае зроблена для ўсебаковага развіцця падрастаючага пакалення: у гарадскім пасёлку пасля рэканструкцыі быў адкрыты новы стадыён, для юнакоў і дзяўчат працуюць школа мастацтваў, гурткі і секцыі на любы густ. Спартыўныя цэнтры створаны ў аграгарадках і райцэнтры. Галоўнае, каб у моладзі было жаданне іх наведваць.
Адным з самых прыемных момантаў урачыстасці стала ўзнагароджванне лепшых педагогаў і кіраўнікоў навучальных устаноў раёна. Граматы, дыпломы і каштоўныя падарункі лепшым работнікам сістэмы адукацыі ўручылі намеснік старшыні райвыканкама Аляксандр Аляксандравіч Цітовіч і начальнік аддзела адукацыі Валянціна Іванаўна Лемяшэўская.
У гэтым навучальным годзе 4 маладыя спецыялісты былі размеркаваны ў школы нашага раёна. Гэта Надзея Уладзіміраўна Дземідзенка, Вольга Святаславаўна Відун, Алеся Вячаславаўна Пабяржына, Эдгар Сяргеевіч Лаздзіня. У час святочнай урачыстасці калектыў Станіславоўскай базавай школы павіншаваў маладых людзей з пачаткам іх прафесійнай дзейнасці, пажадаў поспехаў у няпростай і высакароднай справе, цярпення, упэўненасці і веры ў свае сілы, каб усё ў жыцці атрымлівалася толькі на “выдатна”. Маладыя настаўнікі ў гэтым годзе накіраваны працаваць у Шаркаўшчынскія СШ № 1 і № 2, Германавіцкую сярэднюю школу і Іёдскую школу-сад.
Шчырыя словы ўдзячнасці прагучалі і ў адрас людзей, якія ў гэтым годзе пайшлі на заслужаны адпачынак. І сапраўды, не адно пакаленне дзяцей вывелі ў свет выдатныя педагогі, для якіх школа стала неад’емнай часткай жыцця. Гэта дырэктары Зоркаўскай сярэдняй і Сталіцкай базавай школ Вера Іванаўна Морхат і Вера Каетанаўна Лапацкая, настаўнік замежнай мовы Іёдскай школы-сада Васілій Фёдаравіч Фокаў і настаўніца беларускай мовы і літаратуры Лонскай школы-сада Уладзіслава Іванаўна Рыкун.
Завяршылася мерапрыемства святочным канцэртам, які для сваіх калег падрыхтавалі педагагічныя калектывы яслі-сада № 4, Радзюкоўскай, Каўшэлеўскай, Станіславоўскай і Іёдскай школ, а таксама супрацоўнікі аддзела культуры і самадзейныя артысты, добра вядомыя кожнаму шаркаўшчынскаму гледачу. У ролі вядучых урачыстасці выдатна выступілі Ірына Гінько і Дзмітрый Туронак.
Ганаровымі граматамі раённага выканаўчага камітэта ўзнагароджаны:
Іна Сямёнаўна Пучынская — намеснік дырэктара Германавіцкай СШ;
Валянціна Барысаўна Васілеўская — дырэктар раённага цэнтра дзяцей і моладзі;
Жанна Святаславаўна Сініца — намеснік дырэктара сярэдняй школы № 1 г. п. Шаркаўшчына;
Жанна Міхайлаўна Падольская — настаўніца беларускай мовы і літаратуры Іёдскай сярэдняй школы-сада;
Радзіон Васільевіч Махлаеў — настаўнік матэматыкі і фізікі Каўшэлеўскай базавай школы;
Тамара Паўлаўна Кухто — настаўніца пачатковых класаў Шаркаўшчынскай СШ № 2;
Раіса Францаўна Баравік — настаўніца беларускай мовы і літаратуры Стральцоўскай базавай школы.
Ганаровымі граматамі раённага Савета дэпутатаў узнагароджаны:
Валянціна Геляраўна Драба — дырэктар Більдзюжскай сярэдняй школы;
Алеся Іванаўна Сікора — дырэктар Шаркаўшчынскай сярэдняй школы № 2;
Ларыса Яўгенаўна Шуман — настаўніца-дэфектолаг Лужкаўскай сярэдняй школы;
Святлана Міхайлаўна Лагун — настаўніца музыкі Германавіцкай сярэдняй школы.
За перамогу ў конкурсе на лепшае эстэтычнае афармленне і добраўпарадкаванне ўстаноў адукацыі адзначаны каштоўнымі прызамі:
Шаркаўшчынская СШ № 1 (дырэктар Марыя Аляксандраўна Зайцава);
Шаркаўшчынская СШ № 2 (дырэктар Алеся Іванаўна Сікора);
Лужкаўская СШ (дырэктар Ларыса Віктараўна Гараніна);
Радзюкоўская БШ (дырэктар Мікалай Мікалаевіч Рубацкі);
Більдзюжская СШ (дырэктар Валянціна Геляраўна Драба);
Шкунцікаўская БШ (дырэктар Марына Вітальеўна Толкач);
Улінаўская ДС-БШ (дырэктар Алена Мікалаеўна Прахаронак);
Сасноўская ДС-ПШ (дырэктар Іна Вячаславаўна Счасновіч);
Яслі-сад № 5 (загадчыца Святлана Мікалаеўна Шарак);
Більдзюжскі дзіцячы сад (загадчыца Таццяна Іванаўна Блажэвіч);
Станіславоўская БШ (дырэктар Яўген Генадзьевіч Дулінец);
Новы камп’ютарны клас атрымала Шаркаўшчынская СШ № 2 (дырэктар Алеся Іванаўна Сікора);
Граматамі Міністэрства адукацыі ўзнагароджаны:
Марына Вітальеўна Толкач — дырэктар Шкунцікаўскай базавай школы;
Зоя Міхайлаўна Кабак — намеснік дырэктара Велікасельскай сярэдняй школы-сада;
Альдона Іванаўна Корсак — настаўніца пачатковых класаў Шаркаўшчынскай СШ № 1;
Андрэй Іванавіч Татаровіч — настаўнік працоўнага навучання Шаркаўшчынскай СШ № 2;
Лілія Аляксандраўна Касарэўская — настаўніца грамадазнаўства Шаркаўшчынскай СШ № 1.
Ганаровымі граматамі Упраўлення адукацыі Віцебскага абласнога выканаўчага камітэта ўзнагароджаны:
Рамуальда Антонаўна Бацвінёнак — настаўніца рускай мовы і літаратуры Шаркаўшчынскай СШ № 1;
Жанна Паўлаўна Буда — настаўніца геаграфіі Зоркаўскай сярэдняй школы;
Анатолій Андрэевіч Стаўманенка — настаўнік прафесійнай падрыхтоўкі Шаркаўшчынскай СШ № 1;
Алена Савішна Зуй — выхавальнік яслі-сада № 1;
Аксана Паўлаўна Лапацкая — педагог сацыяльны раённага цэнтра карэкцыйна-развіваючага навучання і рэабілітацыі;
Анатолій Канстанцінавіч Васілевіч — настаўнік фізічнай культуры і працоўнага навучання Шкунцікаўскай БШ.
Ганаровымі граматамі раённага аддзела адукацыі ўзнагароджаны:
Ірына Мар’янаўна Грыдзюшка — настаўніца гісторыі і геаграфіі Лужкаўскай СШ;
Ларыса Мікалаеўна Рымчонак — настаўніца матэматыкі і фізікі Германавіцкай СШ;
Жанна Сяргееўна Якімовіч — настаўніца гісторыі і геаграфіі Шкунцікаўскай БШ;
Таццяна Васільеўна Цярэнцьева — педагог сацыяльны Іёдскай сярэдняй школы-сада;
Ірына Алімпіеўна Стрыленка — дырэктар Лонскай базавай школы-сада;
Таццяна Генадзьеўна Хоміч — намеснік дырэктара па вучэбна-выхаваўчай рабоце Зоркаўскай СШ;
Святлана Святаславаўна Татаровіч — настаўніца-дэфектолаг Шаркаўшчынскай СШ № 2;
Марына Станіславаўна Хахолка — настаўніца англійскай мовы Шаркаўшчынскай СШ № 1;
Лена Іванаўна Капашынава — педагог-арганізатар Іёдскай ДС-СШ;
Вольга Вячаславаўна Лагвіненка — настаўніца рускай мовы і літаратуры Улінаўскай ДС-БШ;
Ніна Генадзьеўна Шэнда — настаўніца пачатковых класаў Сталіцкай БШ;
Сяргей Мікалаевіч Гембіцкі — настаўнік фізічнай культуры Болкалаўскай БШ;
Таццяна Аляксандраўна Алянцэвіч — педагог дадатковай адукацыі раённага цэнтра дзяцей і моладзі;
Наталля Расціславаўна Філіпёнак — загадчыца Лужкаўскага дзіцячага сада;
Вера Мечыславаўна Паўловіч — настаўніца пачатковых класаў Радзюкоўскай БШ;
Таццяна Антонаўна Собаль — загадчыца яслі-сада № 1;
Іна Веніямінаўна Лутохіна — настаўніца беларускай мовы і літаратуры Шаркаўшчынскай СШ № 2.
За ўдзел у 24-й раённай круглагадовай спартакіядзе школьнікаў дыпломамі раённага аддзела адукацыі і прызамі ўзнагароджаны:
у групе сярэдніх школ:
1-е месца — Германавіцкая СШ; 2-е месца — Лужкаўская СШ; 3-е месца — Шаркаўшчынская СШ № 1;
у групе базавых і малакамплектных школ:
1-е месца — Станіславоўская БШ; 2-е месца — Радзюкоўская БШ; 3-е месца — Зоркаўская СШ.
Вольга ЧАРНЯЎСКАЯ
