Улічваючы складаную сітуацыю з пажарамі ў экасістэмах Віцебскай вобласці (устаноўлены 3 клас пажарнай небяспекі на тэрыторыі нашага раёна), работнікамі Шаркаўшчынскага раённага аддзела па надзвычайных сітуацыях з прыцягненнем спецыялістаў раённай інспекцыі прыродных рэсурсаў і аховы навакольнага асяроддзя, дзяржаўнай лясной аховы, цэнтра гігіены і эпідэміялогіі, аддзела землеўпарадкавання райвыканкама арганізавана правядзенне комплексу прафілактычных мерапрыемстваў.
У мінулыя выхадныя інжынер Шаркаўшчынскага РАНС Мікалай Маркушонак з галоўным спецыялістам аддзела землеўпарадкавання райвыканкама Яўгенам Сцяпанавым накіраваліся ў прафілактычны рэйд. Разам з імі ўдзел прыняў і карэспандэнт раённай газеты.
Рэйдавая група ажыццявіла падворны абход домаўладанняў у вёсцы Сасноўцы, сустрэлася з жыхарамі вёскі Валожынкі. Мясцоваму насельніцтву тлумачылі правілы супрацьпажарнай бяспекі. Арганізатары рэйду растлумачылі, што за парушэнне правілаў супрацьпажарнай бяспекі ў лясах, на тарфяніках, незаконнае выпальванне сухой расліннасці, а таксама іржышча і пажніўных астаткаў на палях грамадзяне могуць быць прыцягнуты да адміністрацыйнай або крымінальнай адказнасці. Насельніцтва ўважліва прыслухоўвалася да спецыялістаў. У ходзе сумеснай гутаркі вяскоўцы атрымалі памяткі Міністэрства па надзвычайных сітуацыях. Як запэўніў інжынер Шаркаўшчынскага РАНС Мікалай Маркушонак, дадзеная прафілактычная работа будзе прадоўжана і ў далейшым. Цяпер вельмі важна сустракацца з людзьмі асабіста і расказваць ім пра вялікую небяспеку, якую тоіць у сабе агонь, няправільнае абыходжанне з ім і ігнараванне элементарных правіл супрацьпажарнай бяспекі.
Дадаткова паведамляем, што пры ўстанаўленні IV—V класаў пажарнай небяспекі ў лясах забаронена:
— знаходжанне грамадзян на тэрыторыі ляснога масіву і тарфяніках;
— уезд транспартных сродкаў у лес за выключэннем транаспартных сродкаў юрыдычных асоб, якія вядуць лясную гаспадарку, і органаў, якія ажыццяўляюць кантроль у адпаведнасці з пунктам 2 артыкула 106 Ляснога кодэкса Рэспублікі Беларусь, а таксама органаў і сіл забеспячэння нацыянальнай бяспекі, пералічаных у пункце 60 Канцэпцыі нацыянальнай бяспекі Рэспублікі Беларусь, зацверджанай Указам Прэзідэнта Рэспублікі Беларусь ад 9 лістапада 2010 г. № 575.
Ва ўсіх астатніх выпадках парушальнікаў могуць пакараць папярэджаннем або штрафам да 25 базавых велічынь па артыкуле 15.29 КоАП. Калі ж будзе пашкоджаны лес або тарфянікі, то штраф могуць павялічыць ўдвая.
Акрамя таго, за незаконнае выпальванне сухой расліннасці, іржышча, пажніўных астаткаў на палях прадугледжана адміністрацыйная адказнасць у адпаведнасці з артыкулам 15.57 КоАп і штраф да 40 базавых велічынь.
Сяргей РАЙЧОНАК.
