З 20 па 30 сакавіка праходзіць рэспубліканская дэкада “Дзяржтэхагляд”

Актуальное

старшы дзяржаўтаінспектар ДАІ Ігар Пятровіч Булаўскі і начальнік дыягнастычнай станцыі Андрэй Мікалаевіч Каплуноўскі правяраюць дакументы ў вадзіцеля

З 20 па 30 сакавіка ў краіне праходзіць дэкада “Дзяржтэхагляд”. У гэтыя 10 дзён супрацоўнікі Дзяржаўтаінспекцыі, УП “Белдзяржтэхнагляд” і транспартнай інспекцыі займаюцца выяўленнем аўтаўладальнікаў, чые транспартныя сродкі не прайшлі своечасова дзяржтэхагляд. Так, 21 сакавіка ў Шаркаўшчыне з мэтай выявіць машыны, якія яшчэ не прайшлі тэхагляд, адбыўся сумесны рэйд у складзе старшага дзяржаўтаінспектара ДАІ Ігара Пятровіча Булаўскага, начальніка дыягнастычнай станцыі Андрэя Мікалаевіча Каплуноўскага і прадстаўніка транспартнай інспекцыі Аляксандра Іванавіча Цынковіча. Спецыялісты таксама звярталі ўвагу на наяўнасць пуцявых лістоў, транспартных накладных і правільнасць афармлення гэтых дакументаў. Трэба нагадаць, што за кіраванне транспартным сродкам, які не прайшоў тэхагляд, прадугледжаны штраф у памеры да 2 базавых велічынь. На службовых жа асоб накладаецца штраф у памеры ад 4 да 6 базавых велічынь.

Дзяржаўтаіспекцыя і УП “Белдзяржтэхнагляд”, праводзячы дадзеную акцыю, маюць на мэце заклікаць аўтаўладальнікаў да своечасовага наведвання дыягнастычнай станцыі.

Марына ЖАКАЎКА.

Фота аўтара.



Добавить комментарий

Ваш e-mail не будет опубликован. Обязательные поля помечены *