22-23 верасня ў Мінску прайшоў 4-ы форум маладых журналістаў “Агульны погляд у будучыню. Журналістыка: выбар маладых”

Актуальное

000022_276256_big Яго ўдзельнікамі сталі маладыя журналісты рэдакцый газет, радыё і тэлебачання — усяго амаль 150 прадстаўнікоў СМІ Беларусі, больш як 120 з якіх прыбылі з рэгіёнаў.
“Вельмі важна, каб маладая журналістыка была рэзервам росту патэнцыялу нацыянальнай інфармацыйнай прасторы. Сёння грамадскую думку фарміруюць розныя сродкі масавай інфармацыі, інтэрнэт. Але гэта толькі формы. Самае галоўнае — гэта якасная, прафесійная работа нашага інфармацыйнага поля. Мы сабралі моладзь, каб азнаёміць з работай вядучых рэспубліканскіх газет, тэлеканалаў, правесці трэнінгі, майстар-класы, абмеркаваць прафесійныя пытанні», — зазначыла, адкрываючы работу форуму, міністр інфармацыі Лілія Ананіч.
У рамках работы форуму адбылося падвядзенне вынікаў і ўзнагароджвання пераможцаў конкурсу творчых работ “Жыві і квітней, Беларусь!”, уручэнне прэміі Беларускага саюза журналістаў “Дэбют”.
Работа форуму праходзіла па дзвюх тэматычных сесіях: «Палітычная журналістыка сёння: аб’ектыўнасць і прапаганда» і «Як гаварыць аб эканоміцы даходліва і цікава». Заключным мерапрыемствам стала панэльная дыскусія «Журналістыка вачамі маладых», якая пройшла ў форме адкрытых дэбатаў.
Арганізатарамі мерапрыемства выступілі Міністэрства інфармацыі, Нацыянальная дзяржаўная тэлерадыёкампанія, рэдакцыя газеты «Советская Белоруссия», ГА «Беларускі саюз журналістаў», ГА «Беларускі рэспубліканскі саюз моладзі», Мінскі гарадскі выканаўчы камітэт.
Андрэй БУРЭЦ.

000022_D1F694F33E5FBE6243257EC9004890F9_939201



Добавить комментарий

Ваш e-mail не будет опубликован. Обязательные поля помечены *