На тэрыторыі нашага раёна налічваецца 22 выбарчыя ўчасткі. Грамадзяне, якія маюць права голасу, праяўляюць сваю актыўнасць і карыстаюцца прадастаўленым дзеючым заканадаўствам правам прагаласаваць датэрмінова. Яшчэ раз нагадаем, што выбарчыя ўчасткі працуюць сёння, як і ў папярэднія дні датэрміновага галасавання з 10.00 да 14.00 і з 16.00 да 19.00 гадзін.
Карэспандэнты нашай газеты наведалі большасць выбарчых участкаў раёна. На кожным з іх у даступных месцах для выбаршчыкаў размешчана інфармацыя пра кандыдатаў на пост Прэзідэнта краіны, маюцца ўсе неабходныя матэрыялы, абсталяванне і дакументацыя згодна дзеючага выбарчага заканадаўства. Важна, што акрамя вышэй пералічанага, у памяшканнях для галасавання ўтульна і прыгожа, а члены выбарчых камісій ветліва запрашаюць грамадзян, тлумачаць ім правільнасць запаўнення бюлетэня для галасавання.
11 кастрычніка, у асноўны дзень выбараў участкі для галасавання будуць працаваць з 8.00 да 20.00 гадзін. На кожным з іх работнікі культуры выступяць са святочнымі канцэртнымі праграмамі. Прадпрыемствы гандлю будуць прапаноўваць выбаршчыкам і ўсім жадаючым харчовую прадукцыю ў шырокім асартыменце.
Сяргей РАЙЧОНАК.
Участак для галасвання №10 у Вялікім Сяле
Участак для галасавання №9 у Гурках
Участак для галасавання №12 у Зорцы
Участак для галасавання №13 у Сталіцы
Участак для галасавання №8 у Васюках
Участак для галасавання №7 у Пяліках
Фота Сяргея РАЙЧОНКА і Алены АНАНІЧ