Планы і патрабаванні на будучы год былі акрэслены старшынёй аблвыканкама А. М. Косінцам на селектарнай нарадзе 2 студзеня

2-га студзеня старшыня аблвыканкама А. М. Косінец правёў селектарную нараду, у час якой неаднаразова падкрэсліваў, што дасягнуць поспеху можна толькі тады, калі ў аснову пакласці эканамічныя паказчыкі. Кіраўнік вобласці падрабязна спыніўся на кожным напрамку гаспадарчай дзейнасці ў рэгіёнах.
Арганізацыйныя пытанні
—    да 13 студзеня правесці калегіі з разглядам вынікаў работы за 2011 год;
—    дасканала разабрацца па кожнаму прадпрыемству і арганізацыі;
—    працоўны дзень павінен быць паўнацэнным, з давядзеннем канкрэтных заданняў і аб’ёмаў;
—    перагледзець штатныя расклады з мэтай іх скарачэння;
—    абавязковае выкананне планавых паказчыкаў з захаваннем колькасных і якасных паказчыкаў;
—    ліквідаваць дэбіторскую і крэдыторскую запазычанасць.
Заработная плата
—    цесна ўвязваць заработную плату з прадукцыйнасцю працы;
—    да канца года прадукцыйнасць працы павінна павялічыцца ў два разы;
—    сярэдняя заработная плата цяпер складае каля 280 долараў ЗША, а ў снежні 2012 года яе неабходна давесці да 500 долараў ЗША.
Інвестыцыі і інавацыі
—    праводзіць маркетынгавыя даследванні, параўноўваючы якасць сваёй і імпартнай прадукцыі;
—    настойлівей працаваць з інвестарамі, пры неабходнасці правесці перазаключэнне ранейшых дамоўленасцяў;
—    інавацыі ў асноўны капітал (машыны, абсталяванне) павялічыць на 110 працэнтаў.
Зніжэнне затрат
—    да канца года не павінна быць стратных і нерэнтабельных гаспадарак і прадпрыемстваў;
—    неабходна знізіць энергазатраты на 10 працэнтаў, матэрыялаёмістасць — на 5, давесці рэнтабельнасць не ніжэй 10 працэнтаў, знізіць затраты на 1000 рублёў выпускаемай прадукцыі на 20 працэнтаў.
Прамысловасць і будаўніцтва
—    у малых гарадах адкрываць новыя вытворчасці з мэтай павелічэння занятасці насельніцтва;
—    выпускаць толькі запатрабаваныя віды прадукцыі, максімальна скараціць складскія запасы;
—    больш увагі ўдзяляць эканамічным паказчыкам (сабекошт, асартымент, самаакупнасць і г. д.);
—    па максімуму скараціць незакончанае будаўніцтва;
—    наладзіць экспарт будаўнічых паслуг;
—    неадкладна вызначыцца ў аб’ёмах (індывідуальнае, камерцыйнае) будаўніцтва;
—    належная арганізацыя работ на ўзводзімых аб’ектах (прадукцыйнасць, нарад-заданні, дысцыпліна).
Аграпрамысловы комплекс
—    рэканструкцыя і будаўніцтва новых малочнатаварных ферм і комплексаў;
—    павелічэнне сярэднясутачных прываг (КРС — да 700, свіней — 650 грамаў) і пагалоўя, надой на карову — 5 тысяч кілаграмаў;
—    павышэнне глыбіні перапрацоўкі атрыманай прадукцыі, таварнасць давесці да 90, гатункам “экстра” прадаваць не менш 80 працэнтаў малака;
—    рэнтабельнасць малака — 20, мяса КРС — 5, свіней — 7 працэнтаў;
—    да 25 сакавіка падрыхтавацца да веснавых палявых работ (угнаенні, тэхніка, сродкі аховы раслін, насенны матэрыял);
—    працягваць працаваць над выкананнем праграмы “Чыстыя палі”.
На першы погляд звышнатуральных патрабаванняў не выказана. І тым не менш, сказанае павінна быць арыенцірам у далейшай рабоце кожнага прадпрыемства.
Эдуард КОРСАК