У межах рэспубліканскай акцыі “Прафсаюзы — дзецям” выхаванцаў сацыяльна-педагагічнага Цэнтра напярэдадні Новага года наведалі старшыня Віцебскага абласнога аб’яднання прафсаюзаў, дэпутат абласнога Савета дэпутатаў Іван Канстанцінавіч Вазміцель, старшыня раённага аб’яднання прафсаюзаў Ігар Віктаравіч Малюгін і старшыня райкама прафсаюза работнікаў аграпрамысловага комплексу Таццяна Мікалаеўна Альшэўская. Госці, якіх тут заўсёды рады вітаць, прыйшлі павіншаваць дзяцей з каляднымі і навагоднімі святамі. Іван Канстанцінавіч у якасці падарунка перадаў установе тумбу пад тэлевізар. Ігар Віктаравіч уручыў пісьмовыя прыналежнасці, салодкія пачастункі. Таццяна Мікалаеўна ад райкама прафсаюза работнікаў АПК і ад пярвічных арганізацый сельгаспрадпрыемстваў “Даватарскі”, “Ельня-Агра” і “Буеўшчына” падарыла выхаванцам сацыяльна-педагагічнага Цэнтра сродкі асабістай гігіены.
Дзеці засталіся вельмі задаволеныя такімі падарункамі. Кіраўніцтва ўстановы шчыра падзякавала гасцям за вялікія ўвагу і клопат аб прадстаўніках падрастаючага пакалення.
Сяргей РАЙЧОНАК.