З мэтай прадухілення дзіцячага дарожна-транспартнага траўматызму, фарміравання ў дзяцей дашкольнага ўзросту бяспечных паводзін на вуліцы, замацавання ведаў аб правілах дарожнага руху, а таксама папулярызацыі выкарыстання ў аўтамабілях дзіцячых утрымліваючых прыстасаванняў перад прысутнымі бацькамі ў гэты дзень выступілі загадчыца дзіцячага яслі-сада Таццяна Антонаўна Собаль і інспектар дарожна-патрульнай службы аддзялення ДАІ Шаркаўшчынскага РАУС Эрдгард Мар’янавіч Шапалоўскі. Працягам мерапрыемства стала вясёлая спартландыя, прысвечаная Дню абаронцаў Айчыны, і святочны канцэрт, падрыхтаваны маленькімі выхаванцамі пад кіраўніцтвам педагагічнага калектыву дзіцячай дашкольнай установы. Мерапрыемства вельмі спадабалася не толькі маленькім артыстам і ўдзельнікам спартландыі , якія прадэманстравалі на сцэне свае творчыя і фізічныя здольнасці, спрыт і кемлівасць, але і бацькам – усе яны атрымалі вялікае задавальненне ад належнай падрыхтоўкі і выступленняў сваіх дзяцей.
Вольга ЧАРНЯЎСКАЯ.
