Я слаўлю мамы светлае імя —
Пяшчотнае, нібыта яблынь квецень.
Матулінага сэрца цеплыня
Нас сагравае лепш за ўсё на свеце.
Мікола Ляшчун.
Кожны год напярэдадні Дня маці пры садзейнічанні Федэрацыі прафсаюзаў Беларусі ў краіне праходзіць рэспубліканская акцыя “Павіншуем маму разам!” Сёлета акцыя прайшла з 7 па 14 кастрычніка. Пярвічныя прафсаюзныя арганізацыі ўстаноў і прадпрыемстваў Шаркаўшчынскага раёна прынялі актыўны ўдзел у дадзеным мерапрыемстве. Кожны жадаючы мог падпісаць паштоўку для сваёй любай маці і па пошце адправіць віншаванне. Такую магчымасць скарысталі спецыялісты раённага выканаўчага камітэта і яго аддзелаў, шматлікія пярвічныя прафсаюзныя арганізацыі.
Святочная паштоўка са шчырымі пажаданнямі, ласкавымі словамі — найлепшы напамін аб нашай любові, удзячнасці і павагі да матуль. Гэта светлае свята — цудоўная магчымасць яшчэ раз сказаць матулям самыя шчырыя і пяшчотныя словы падзякі за цярпенне і дабрыню.
Упершыню рэспубліканская акцыя “Павіншуем маму разам!” адбылася ў 2015 годзе. З кожным годам да яе далучаецца ўсё большая колькасць людзей. У мінулым годзе віншаванні атрымалі больш за чвэрць мільёна матуль па ўсёй нашай краіне.
Сяргей РАЙЧОНАК.
