23 лістапада ў вялікай зале райвыканкама адбылося чарговае пасяджэнне раённага выканаўчага камітэта, якое праводзіў яго старшыня М. І. Баговіч. На нараду былі запрошаны члены выканкама, начальнікі ўпраўленняў і аддзелаў райвыканкама, старшыні сельскіх выканаўчых камітэтаў, намеснікі кіраўнікоў ці адказныя спецыялісты па ідэалагічнай рабоце ўстаноў і арганізацый рацэнтра, а таксама сельскагаспадарчых арганізацый раёна, кіраўнікі раённых структур грамадскіх аб’яднанняў БРСМ, “Белая Русь”, “Беларускі саюз жанчын”, ветэранаў.
З дакладам аб стане ідэалагічнай работы ў сельскагаспадарчых арганізацыях раёна выступіў намеснік старшыні райвыканкама А. А. Цітовіч.
Са справаздачай аб сваёй рабоце выступіў намеснік дырэктара па ідэалагічнай рабоце ААТ “Шаркаўшчынскі агратэхсэрвіс” С. І. Чапроўскі.
З дакладам аб ходзе выканання Закона Рэспублікі Беларусь “Аб меліярацыі зямель” на тэрыторыі Шаркаўшчынскага раёна выступіў начальнік ПМС А. С. Дзіковіч.
Сваім бачаннем сітуацыі ў названай сферы і перспектывах яе развіцця падзяліўся намеснік генеральнага дырэктара КУП “Віцебскмеліяводгас” В. Ч. Раманоўскі.
Аляксандр БАРЫЛА
Фота Марыны ЖАКАЎКА.
