На ферме «Сасноўцы» ААТ «Даватарскі» утрымліваецца 328 кароў, дойны статак складае 308 галоў. Працуюць тут шэсць даярак. Старшыня райкама прафсаюза работнікаў АПК Аляксандр Гернат наведаў мясцовых жывёлаводаў і павіншаваў іх з высокімі працоўнымі паказчыкамі.
Лідзіруе сярод аператараў машыннага даення Кацярына Лаздыньш. Валавы надой за люты ў яе склаў 16 тон 862 кілаграмы. У сярэднім ад адной каровы яна атрымала 380 кілаграмаў малака. Другое месца займае Наталля Міронава. У яе валавы надой склаў 11 тон 776 кілаграмаў. У сярэднім ад адной каровы атрымана 214 кілаграмаў малака. На трэцім месцы сярод даярак знаходзіцца Марына Мацюк. Валавы надой малака ў яе склаў 11 тон 375 кілаграмаў. У сярэднім ад адной каровы атрымана 253 кілаграмы малака.
Аляксандр Іосіфавіч у межах рэспубліканскай акцыі «Наш жывёлавод» падарыў даяркам электрычны чайнік, а таксама салодкія пачастункі. Ад імя прасаюзнага камітэта і адміністрацыі гаспадаркі жывёлаводаў павіншавалі і ўручылі каштоўныя падарункі Анжаліка Атопкіна і Кацярына Шпак.
Сяргей РАЙЧОНАК, фота аўтара