Цікавыя мерапрыемствы для маленькіх хлопчыкаў і дзяўчынак праходзяць у дзіцячай бібліятэцы.

Актуальное

Уважлівыя гледачы спектакля
Уважлівыя гледачы спектакля

На канікулах дзецям падабаецца весяліцца і адпачываць. Гэта час, калі можна не думаць пра ўрокі.

У чэрвені на базе сярэдніх школ гарпасёлка дзейнічалі аздараўленчыя лагеры. Яго ўдзельнікі некалькі разоў наведалі дзіцячую бібліятэку. Для вучняў быў праведзены турнір знаўцаў прыроды “Разноликая природа”.

Турнір праходзіў па некалькіх накірунках: расліны, жывёлы, птушкі, насякомыя. Дзеці даведаліся шмат цікавых фактаў з жыцця птушак, жывёл і раслін, адказвалі на пытанні віктарыны, адгадвалі загадкі, разгадвалі рэбусы, нагадалі правілы паводзін на прыродзе. Завяршыўся турнір гульнёвай праграмай.

У наступныя дні дзеці здзейснілі падарожжа ў краіну казак пад назвай “Казачны куфэрак”. Трэба адзначыць, што дзеці праявілі сябе сапраўднымі знатакамі рускіх народных казак, а таксама казак замежных пісьменнікаў. Пазнаёміліся з жыццём і творчасцю А.С. Пушкіна, з задавальненнем адказвалі на пытанні, удзельнічалі ў віктарынах, гульнях і конкурсах.

Цікавым для вучняў малодшых класаў стаў лялечны спектакль “Як берагчы кнігу”. Дзеці глядзелі яго з вялікім захапленнем, з дапамогай герояў казкі яны даведаліся, што да кнігі трэба адносіцца з павагай і беражлівасцю, затым пазнаёміліся з правіламі карыстання бібліятэкай.

Мы вельмі спадзяёмся, што сустрэчы, якія прайшлі ў бібліятэцы, сталі добрым дапаўненнем адпачынку для дзяцей, зносіны з кнігай прынеслі дзецям радасць і задавальненне, а лялечны спектакль дапамог адкрыць таямнічы свет кнігі, прывіць любоў да чытання.

Т. ПАЛЯК,

загадчыца дзіцячай бібліятэкі.



Добавить комментарий

Ваш e-mail не будет опубликован. Обязательные поля помечены *